Պարուսույցներ

Գևորգ Ալեքսանյանն 1978-1986թթ․ սովորել և ավարտել է Երևանի Պարարվեստի Պետական Քոլեջը։ Այդ տարինռրին՝ 1984-1987թթ, սովորելու հետ մեկտեղ աշխատել է Ալ․ Սպենդիարյանի անվան Օպերային և Բալետի ազգային ակադեմիական թատրոնում, որպես բալետի դերասան։ 1989-1996թթ աշխատել է Սպայի տան «Սարդարապատ» համույթում՝ փորձավար և դասական պարի ուսուցիչ։ 1996թ-ից առ այսօր ստեղծել և ղեկավարում է «Գիսանե» պարարվեստի ստուդիան։ Գևորգ Ալեքսանյանը 1998թ.-ից առ այսօր միառժամանակ աշխատում է նաև Երևանի Պարարվեստի Պետական Քոլեջում որպես դասական պարի ուսուցիչ։ Դրա շնորհիվ «Գիսանե»-ում լրջությամբ են վերաբերվում դասական պարին։ 2001թ.-ից հանդիսանում է Վ. Խանամիրյանի անվան պարարվեստի գործիչների միավորման անդամ։ 2016թ.-ի դեկտեմբերին տեղի ունեցավ «Գիսանե» ստուդիայի հիմնադրման 20-ամյակը։ Այդ կապակցությամբ ստուդիայի հիմնադիր և գեղ. ղեկ. Գևորգ Ալեքսանյանին շնորհվեց Վ. Խանամիրյանի անվան ոսկե մեդալ։ 2018 թվականի նոյեմբերին պաշտպանության նախարար Դավիթ Տոնոյանի կողմից պարգևատրվել է Գարեգին Նժդեհ մեդալով։ 2023 թվականին Վ․ Խանամիրյանի անվան պարարվեստի գործիչների միավորման կողմից արժանացել է Ազատ Ղարիբյանի անվան ոսկե մեդալին։